" Mohabbat Keh Motti "

          " Mohabbat Keh Motti " 

Andhayroun mein hum nein bhut waqt katta hay

Bhut kuch khoya hay bhut kuch jancha hay.

Kia roshniaan hamaray mukadar mein nehen

Roshnioun say dushmani paal rakhi hay.

Taras gaye hain us hawa ko jo payar ka piyam lati hy.

Jhulsaa diya hay nafrat nein chaman ka gosha gosha.

Har koi apnain hi rastay peh gamzan hay

Hath thaam keh chalna bhy mahal lagta hay

Pyar bhari nazar say dekha bhy nehen ja sakta kia.

Rehmat ki eik baarish ki zarurat hay Moula

Keh dhool uttar jaye in diloun say akhir.

Khoon tumhari ragoun mein

Meri ragoun mein

Eik sa hay

Laal hay

Garmata bhy hay, Taahtain bhy maarta hay

Par Eik jaisa hay.

Dil ki zameen ko kitna banjar bana diya hay

Keh us mein gouddy taak nehen kar sakay.

Ankhyoun mein ankhyain daal kar

Khoon ko garma kar bhut dekh liya

kiya mila is keh baddlay

kuch bhy nehen siwaye 

Jang, khoon-kharabba, barbadi.

Taqseem kar dala hay khud ko sheerazoun mein

Bhut ulajhsay gaye hain faaqat hum.

Koi bahir say aaye ga hum ko suljhanain

Nehen koi nehen aye ga!

Hum ko khud soulajhna hou ga.

Eik qadam hum ayain

Eik qadam tum ayo

Qadam jab bhaarayn gay

Tou

Safar banay ga

Manzil ka taayeyun hou ga

kafilah challay ga.

Jou houya sou houya us ko boulana hou ga

Tazza hawa ka jhoynkah ban kar humayin doour tak jana hou ga.

Qadam bharayin gay

Hath milayin gay

Tou dil bhy ekhtay dharkain gay

Nazrain nazroun say milayin gi tou zindageian savrayain gi.

Qatra Qatra ban kar sumandar banta hay.

Jawaaan khoon jab Aman ki baat karain gay

Tou andheri Raat mein Sawera hou ga.

Mohabbat ka yh peghaam jab aye ga

Amaan -o- Mohabbat ka safar shru hou ga. 

( Muhammad Uzair Khan ) 

The translation of this poem will be available very soon. Do give your feedback.